ආදරණීය නපුරා - දොළොස්වන කොටස

සහන් දොර අරින්න ගියේ මේ නිවාඩු දවසේ කවුද ආවේ කියලා හිත හිත.දොර ඇරියම දොරෙන් එලියේ හිටියේ සජිනිගේ අම්මයි තාත්තයි.

"අහ් පුතා" සජිනිගේ තාත්තා කතා කරේ හොදට හිනා වෙන ගමන්

"අම්මලා උදේම ඇවිත්.කිව්වෙත් නෑනේ.එන්න ඇතුලට" සහන් අම්මලට ඇතුලට එන්න ඉඩ දෙන ගමන් කිව්වා 

"කෝ අපේ කෙල්ල" සජිනිගේ අම්මා ඇහුවේ ඇතුලට යන ගමන් 

එතකොටම බැල්කනියේ කතාවක හිටපු සජිනි බැල්කනියෙන් එලියට ඔලුව දැම්මේ මේ කතා කරන්නේ කවුද බලන්න.අම්මලව දැකපු සජිනිගේ ඇස් ලොකු වුනා.ෆොන් එකට මොනවද මුමුණපු සජිනි අම්මා ලගට දුවගෙන ඇවිත් අම්මව බදාගත්තා.

"සුබම සුබ උපන්දිනයක් මගේ දුවට" සජිනිගේ තාත්තා තාමත් අම්මව බදාගෙන ඉන්න සජිනිගේ ඔලුව අතගාන ගමන් කියනකොට සහන්ගේ ඇස් දෙක ලොකු වුනා.

"අහ් එහෙනම් ඒකයි මේ උදේ ඉදන් තිබ්බ වෙනස.කිව්වෙවත් නෑනේ" සහන් තමන්ටම කියගත්තා.

"කෝ ඉතින් අඩන්න එපා."සජිනිගේ අම්මා සජිනිවත් අල්ලගෙනම පුටුවෙන් වාඩි වුනා.

"දැන් මොකටද මේ අඩන්නේ?" සජිනිගේ තාත්තත් ඇහුවේ සජිනිගේ ඔලුව අතගාන ගමන් 

"ඔයාලා මාව අමතකම කරලා..මට උදේ කතා කරෙත් නෑ.විශ් කරෙත් නෑ.හරි නරකයි ඔයාලා "සජිනි හොටු හූරන ගමන් කියනකොට මෙච්චර වෙලා මේක බලන් හිටපු සහන්ට හිනා ගියා.

"ඉතින් මේ අම්මට ඕනේ වුනානේ උපන්දිනේ දවසේ දුව බලන්න.නැත්තම් මෙහෙම එන්නෙත් නෑ පුතා.ඔයාලා මේක හරි නම් තනියම සමරන්න ඕනනේ.මේ පළවෙනි උපන්දිනේනේ බැන්දට පස්සේ" සජිනිගේ තාත්තා සහන් දිහා බලලා කියනකොට සහන්ගේ මූන මැලවුනා.

හරි ආදරෙන් පරිස්සමට අම්මලා තාත්තලා හදපු දුවට තමන් කියපු කරපුවා දන්නවා නම් මේ තාත්තා තමන් දිහා බලන එකක්වත් නෑ කියලා සහන්ට හිතුනා 

"අපි වැඩි වෙලා ඉන්නේ නෑ පුතා.ඉක්මනට යනවා.මගේ අක්කා බැදපු මහත්තයගේ අම්මට සනීප නෑ.මේ එහේ යන්නත් හිතාගෙන ආවේ"සජිනිගේ අම්මා කිව්වා 

"කවුද? චන්ද්‍රානි ආච්චිද? මොනවා වෙලාද?" මෙච්චර වෙලා අඩ අඩ හිටපු සජිනි දැන් තමයි කතා කරේ 

"ඔව්.කකුලේ අමාරුවක්ලූ.අපි ගියේ නෑනේ බලන්න.ඒකයි මේ යන්න ආවේ" 

"මාත් එනවා යන්න" සජිනි එක පාරටම කිව්වා 

"ඔයාට පිස්සුද දුව.එහෙම කොහොමද ඔයා යන්නේ.අද ඔයාගේ උපන්දිනේ.පුතා මොනවා හරි ප්ලෑන් කරලා ඇත්තේ" සජිනිගේ තාත්තා සහන් එක්ක හිනා වෙන ගමන් කිව්වා 

'අනේ මෙයා ප්ලෑන් කරන එවා.මගේ උපන්දිනේ කියලවත් දන්නේ නැතුව ඇති' සජිනි එහෙම හිතුවට ඒක කිව්වේ නෑ.

හැබැයි ඒ කතාවට නම් සහන් අවුල් වුනා.මේ උපන්දින කතාවක් ඇත්තටම සහන් දැනගෙන හිටියේ නෑ.දැනන් හිටියා නම් අඩු ගානේ උදේ විශ් කරන්නවත් තිබුනා කියලා සහන් කල්පනා කරා.ඒත් තාමත් පරක්කු නෑ කියලා හිතපු සහන් කතා කරා 

"අහ් ඔව් අපි රෑට කෑමට එලියට යන්න ඉන්නේ" සහන් එහෙම කිව්වම සජිනි සහන් දිහා බැලුවේ පුදුම වෙලා.

"අම්මේ.. මෙයා මාර නලුවෙක්නේ..හෝටලේ කාමරෙන් එලියට දාලා දොර වහපු මිනිහා කන්නම එක්කන් යාවි "සජිනි තමන්ටම කියාගත්තා 

"අම්මලා ඉන්නකෝ.මං බොන්න මොනවා හරි හදන්නම්"සජිනි එහෙම කියලා නැගිටලා ගියා.සජිනිගේ අම්මත් සජිනිගේ පස්සෙන් කුස්සියට ගියා.

"අපේ සජිනිගෙන් ප්‍රශ්නයක් නෑ නේද පුතා? ටිකක් හිතුවක්කාර වුනාට හිත හරි හොදයි අපේ කෙල්ලගේ.පුතා ටිකක් කියලා හදාගන්න හිතුවක්කාර වැඩ.එයා තනියෙන්නේ ගෙදර හිටියේ.ඉතින් මං වත් සජිනිගේ අම්මා වත් කවදාවත් එයාට බෑ කියලා නෑ.ඒ නිසයි ඒ ඔක්කොම.වැඩිය හිතට ගන්න එපා පුතා"සජිනිගේ තාත්තගේ ඒ වචන වලට සහන්ගේ හිතත් කඩන් වැටුනා.

මෙහෙම ටික වෙලාවක් කතා කර කර හිටපු සජිනිගේ අම්මයි තාත්තයි දවල්ට කාලා ගියේ සජිනිගේ කරදරේටමයි.සහන් නම් ඇත්තටම සජිනිගේ වෙනසින් පුදුම වෙලා හිටියේ.ගෙදර ඉන්නකොට සජිනි මෙච්චර හිනා වෙලා ඉන්නවා සහන් කවදාවත් දැකලා තිබ්බේ නෑ.සජිනි හිනා වෙනකොට ඇත්තටම ලස්සනයි කියලා සහන් හිතුවත් සහන් එක ඒ ඉක්මනටම අමතක කරලා දැම්මා.

අම්මලා ගියාට පස්සේ කාමරේ වැඩ වගයක් කර කර හිටපු සහන් එලියට ආවේ ටීවී බලන්න කියලා.ඒත් ඒ යන ගමන සහන් කුස්සියට එබුනේ කුස්සියෙන් ඇහුන සද්ද වගයක් නිසා.කුස්සියේ සජිනි හිටියේ හාල් වගයක් එලියට ගන්න ගමන්

"මේ මොකද කරන්නේ?" සහන්ගේ සද්දෙට සජිනි හැරිලා බැලුවා.

"හාල් ගන්නවා.රෑට උයන්න"සජිනි එහෙම කියලා ආයෙත් තමන් කර කර හිටපු එක කරන්න ගත්තා 

"ඒත් අපි රෑට කන්න යනවනේ " සහන් කිව්වේ පුදුම වෙලා වගේ 

ඒ සැරේ සජිනි හොදට බැලුවා සහන් දිහා.

"අපි කියන්නේ? කොහෙද යන්නේ?" 

"ඇයි මං උදේ කිව්වේ තාත්තලා ඇවිත් හිටපු වෙලාවේ " සහන් ඇහුවේ සජිනිට මේක අමතක වෙලාද කියලා හිතලා 

"අහ් ඒකද? මං දන්නවා ඔයා ඒක තාත්තලගේ හිත හැදෙන්න කිව්වේ කියලා.එහෙම ඕනේ නෑ සහන්" සජිනිගේ මේ කතාවට සහන් පුදුම වුනා.දැන් කොහොමද කියන්නේ නෑ යමු කියලා.එහෙම හිතලා ටීවී එක ලගට ගියපු සහන් ආපහු හැරිලා කුස්සිය ලගට ආවා 

"නෑ සජිනි මං ඇත්තටමයි කිව්වේ.ඔයාගේ උපන්දිනේනේ.අපි යමු එලියෙන් කමු." සහන්ගේ කතාවට සජිනි සහන් දිහා බලන් හිටියේ කියන්න දෙයක් හිතාගන්න බැරුව 

"ඔයාට මොකද සහන් වෙලා තියෙන්නේ?" ඒ පාර නම් සහන්ටත් තරහ ගියා.

"ඔච්චරටම ඕනේ නැත්තම් නිකන් ඉන්න.උපන්දිනේ නිසා එලියට යන්න හැදුවේ.ඒකටත් රටේ නැති ඒවා අහනවා" 

ඒ පාර නම් සජිනිට තේරුනා සහන්ට ඇත්තටම තරහ ගිහින් කියලා.

"හරි හරි තරහ ගන්න දෙයක් කිව්වේ නෑනේ මං.යමු යමු.කීයටද යන්නේ?" 

"හ්ම්ම් 7ට විතර යමු.ලෑස්ති වෙන්න"

"හා.." එහෙම කියපු සජිනි කාමරේට ගියේ අදින්න ඇදුමක් බලන්න.සජිනි ඉස්සර ඉදන්ම ලස්සනට අදින්න කැමති කෙනෙක්.ඒ නිසාම සජිනි ලග ලොකු ඇදුම් එකතුවක් තිබුනා.හැබැයි මේ මොනා වුනත් ගොඩක් ගෑනු ලමයි වගේ සජිනි ලෑස්ති වෙන්න පැය ගානක් ගත්ත කෙනෙක් නෙවෙයි.මේ නිසාම හවස 6.30 වෙද්දිම සජිනි ලෑස්ති වෙලා බලන් හිටියේ සහන් ලෑස්ති වෙලා එනකම්.

කලු කලිසමට සුදු අත් දිග ශර්ට් එක වැලමිට ලගට නවල ඇදගෙන එලියට ආපු සහන් දැක්කේ ඒ වෙනකොටත් ලෑස්ති වෙලා හිටපු සජිනිව.සජිනිත් සහන්ටම ගැලපෙන්න සුදු කුර්තා විලාසිතාවේ ඇදුමක් ඇදලා ටීවී දාගෙන හිටියේ සහන් එනකම්.

"ලෑස්තිද?" සහන් ඇහුවේ විශ්වාස නැතුව 

"අහ් ඔව් යමුද?"

"යමු " 

එලියට ආපු දෙන්නා සහන්ගේ කාර් එකට නැග්ගේ එලියට යන්න.

කාර් එකේ යනගමන් සහන් රේඩියෝ එක දැම්මේ සජිනිගේ සද්දයක් නැති නිසා.ගෙදර කියලා  පුරුදු විදියටම සජිනිත් සිංදු කියන්න ගත්තේ රේඩියෝ එකේ තාලෙට.අමරදේව සර්ගේ නන්දාමාලීයගේ වගේම ඉරාජ්ගේ සිංදුත් තිබුන සහන්ගේ සිංදු එකතුවේ තියෙන හැම සිංදුවම කිසි ගානක් නැතුව මහ හයියෙන්  කෑගහ ගහ කියන එක සහන් අහන් හිටියේ හිනාව අමාරුවෙන් තද කරගෙන.සජිනි ගෙදරදි සිංදු කියනවා අහලා තිබ්බත් මේ විදියට කියනවා සහන් දැකලා තිබ්බේ නෑ.

සජිනිත්  ඔක්කොම අමතක කරලා නිදහසේ සිංදු කියන්නේ ගත්තේ හිතේ සන්තෝසෙටමයි.අද තමන්ගේ 24වෙනි උපන්දිනේ නිසා වගේම අම්මලා බලන්න ආපු නිසත් සජිනිගේ හිත සතුටෙන් පිරිලා තිබ්බේ.ඒ ඔක්කොමත් එක්ක සහන්ගේ වෙනස්වීම ගැන අමුතුම සැනසිල්ලක් සතුටක් සජිනිගේ හිතට දැනෙමින් තිබ්බා 

*******************************************************************************

ටිකක් පරක්කු වුනා ලමයි..එත් ඔන්න කොහොම හරි අද දවසෙ කොටස දැම්මා.

මොකද හිතන්නේ? සහන් වෙනස් වෙලාද? මොනවා වේවිද?

ඊලග ඉරිදා හම්බෙමුකෝ 😊😊