Saturday, May 5, 2018

ආදරණීය නපුරා - හත්වන කොටස


දොර ඇරෙන සද්දෙට සහන් හැරිලා බැලුවා.

"අපෝ නෑ අනේ, එයා දැන්ම එන්නේ නෑ.ඔයා එන්නකෝ" ඒ සජිනිගේ සද්දේ..

සහන් එහෙම්ම පුටුවෙන් නැගිටින කොට සජිනි ගේ ඇතුලට ආවා.

"අහ් ඔයා ආවද?" සජිනිට හරිම පුදුමයි සහන් දැකලා.සහන් ඔලුව වැනුවා.

සජිනිට පිටිපස්සෙන් ආවේ තිලිනි.තිලිනි සහන් දිහා බලලා හිනා වුනාම සහන් අමාරුවෙන් හිනා වුනා.

"මේ එහා පැත්තේ ගෙදර අක්කා.අක්කේ මේ සහන්" සජිනි අදුන්වලා දුන්නා.

"මං මල්ලිව දන්නවා අනේ.මල්ලි මගේ මහත්තයා  දන්නවා ඇති.වරුණ,මගේ මහත්තයා"

"අහ් ඔව් මං දන්නවා.වාඩි වෙන්න "

"මෙන්න  අක්කේ"ඒ අස්සේ ගෙට ගියපු සජිනි මොකක්ද භාජනයක් ගෙනත් තිලිනිට දුන්නා.

"මං යනවා එහෙනම්.පස්සෙ එන්නම්කො මල්ලි" තිලිනි ගියාට පස්සේ සහන් එහෙම්ම පුටුවෙන් වාඩි වුනා.සජිනි කුස්සියට ගියා.

ටිකකින් සජිනි ආවේ දොඩම් බීම එකකුත් අරගෙන.ඒක සහන් ලග මේසෙන් තියලා සජිනි යන්න හැරුනේ තමන් ලග ඉන්නවට සහන් අකමැති නිසා.

"කොහෙද ගියෙ?" සහන්ගේ ප්‍රශ්නෙට සජිනි එහෙම්ම නැවතුනා.

"මොකක්ද?" සජිනිට හිතාගන්න බෑ මේක ඇහුවේ එයාගෙන්මද කියලත්.මේ සති දෙකටම සහන් කතා කරේ නෑනේ .

"මං ඇහුවෙ කොහෙද ගියේ කියලා"

"අහ් ඔයා ගොඩක් වෙලාද ඇවිත්? මං හිතුවෙ.."

"මං අහපුදේට උත්තර දෙනවා" සහන් කෙන්තියෙන්  කෑගහගෙනම නැගිට්ටා.

"මං..මං මේ තිලිනි අක්කගේ ගෙදරට ගියා" සජිනි බිම බලන් කියනකොට සහන් ආපහු වාඩි වුනා.

සජිනි බය වෙලා හිටියේ සහන්ගේ මේ අමුතු විපර්‍යාසෙට.එයා ගෙදර හිටියත් ගනන් ගන්නේ නැති සහන්ට මේකට මෙච්චර තරහ ගත්තේ මොකටද කියලා සජිනිට හිතා ගන්නත් බෑ.ඒත් දැන් සජිනි මොනවා හරි අහන්නත් බයයි.

"උදේ ඉදන්ම  එහෙද හිටියේ" සහන් හෙමීට ඇහුවා.

"ඔව්"

"ෆෝන් එකක් තියෙනවා නේද? කෝ ඒක?"

"අහ් ඒක කාමරේ" සජිනි එයාගේ කාමරේ දිහා බලන් ඇහුවා.

"ඒක කාමරේ තියලා ගියේ කාමරේ කතා කරන්න කෙනෙක් ඉන්නවද?"

"නෑ මේ එකේ බැට්‍රි තිබ්බේ නෑ.කතා කරන්න කෙනෙකුත් නෑනේ ඒකට"

"හ්ම්ම් " එහෙම කියපු සහන් මේසේ උඩ තිබුනු දොඩම් එකත් එක උගුරට බීලා කාමරේට යන්න නැගිට්ටා.

"ඒ නම්බර් එක සේව් කරගන්න.දවසෙම කොහේට හරි යනවා නම් මැසේජ් එකක් දාලා යන්න" එහෙම කියපු සහන් සජිනි දිහා බලන්නෙවත් නැතුව කාමරේට ගියා.

සහන් දිහා ටිකක් බලන් හිටපු සජිනි එහෙම්ම දිව්වේ කාමරේට.චාර්ජරේට ගහලා තිබ්බ ෆෝන් ඒක ඒකෙන් ගලවගත්ත සජිනි බැලුවේ එකේ තිබ්බ මිස් කෝල්ස් ගොඩ දිහා.මිස් කෝල් 26ක් තිබ්බා.එකේන් 25ක්ම සහන්.එකක් සහන්ගේ අම්මා.සහන්ගේ නම්බර් එක සේව් කරගත්ත සජිනි සහන්ගේ අම්මට කතා කරා.

දෙපාරක් රින්ග් වෙනකොටම අම්මා ආන්සර් කරා.

"අම්මේ " සහන් කොහොම වුනත් සජිනියි සහන්ගේ අම්මයි හරි එකතුයි.දවසට සැරයක් කතා කරනවමයි.හැබැයි සජිනි කවදාවත් මේ සහන්ගේ දේවල් සහන්ගේ අම්මට දැනගන්න තිබ්බේ නෑ.

"කොහෙද දුව හිටියේ?"

"මං අර තිලිනි අක්කලගේ ගෙදර ගියානේ.එයා අලුතෙන් කේක් එකක් හදනවා කිව්වා.ඉතින් මං උදව් කරන්න ගියා.ෆෝන් එක ගෙදර තිබුනේ "

"අපේ මිනිහා කතා කරේ නැද්ද?" සහන්ගේ අම්මා අහන්නේ සහන් ගැන

"කතා කරලා තිබ්බා.මං දැන් දැක්කේ?"

"දැන් කෝ?ගෙදර ඇවිත්ද?"

"ඔව් අම්මා අද ටිකක් කලින් ආවා"

"හරි දරුවෝ.මං මේ මොකක්ද හදිස්සිය බලන්න ගත්තේ.අපේ එකා අපට මුකුත්ම කියන්නේ නෑනේ.මං තියන්නම්.තාම  රෑට මුකුත් හැදුවෙත් නෑ."

"හරි අම්මේ "

"හොදයි දරුවෝ බුදු සරණයි"

"බුදු සරණයි අම්මේ"

දැන් සජිනි දන්නවා සහන් අම්මාගෙන් තමයි නම්බර් එක ඉල්ලගෙන කතා කරේ කියලා.ඒත් සජිනිට හිතා ගන්න බැරී හේතුව මොකක්ද කියලා.සහන් ඇදන් හිටියේ ගෙදරට අදින කොට කලිසමකුයි ටී ශර්ට් එකකුයි නිසා සහන් අද ගොඩක් කලින් ඇවිත් කියලා නම් සජිනිට තේරුනා.ඒත් ඒ කෝල් කරේ තමන් නැති නිසා හොයන්නයි  කියලා හිතන්න සජිනිට හිතුනෙම නෑ.ඒ ඒක එහෙම වෙන්න ඉඩක් ඇත්තෙම නැති නිසා.

පහුගිය ටිකෙම සහන් සති අන්තයෙත් වැඩට ගිය නිසා සජිනි හිතුවේ මේ සතියෙත් එහෙමයි කියලා.ඒ නිසා සජිනි පුරුදු විදියට නැගිටලා සහන්ට ගෙනියන්නත් එක්ක කෑම හදන්න ගත්තා.එතකොටම සහන් කාමරෙන් එලියට ආවේ  ගෙදරට අදින කොට කලිසම පිටින්මයි.එහෙම්ම ටීවී එක ලගට ගියපු සහන් ටීවී දාගෙන බලන්න ගත්තා.

'අද යන්නේ නැද්ද දන්නේ නෑ' සජිනි හිතුවා..

"මං අද යන්නේ නෑ" සහන් එක පාරටම එහෙම කිව්වේ සජිනි හිතපු එක ඇහිලා වගේ.

සජිනි ඒකට උත්තර දෙන්න ගියේ නෑ.සහන් ඊයේ ඉදන් අමුතුයි වගේ කියලයි සජිනිට හිතුනේ.

සහන් වැඩට යන්නෙත් නැති නිසා සජිනි දෙන්නට උදේට කන්න ඉදි ආප්ප හැදුවා.උදේට කාලා සජිනි ගේ අස් කරනකම්ම සහන් කරේ ටීවී බලන එක.පස්සේ දවල්ට කලා සහන් ආයෙත් කාමරෙට ගියා.සහන් කාමරේට ගියාට පස්සේ සජිනි ෆිල්ම් එකක් දාගත්තා බලන්න කියලා.

ඒක තායි ෆිල්ම් එකක් First Love කියලා.ටිකකින් සහන් එයාගෙ ලැප් එකත් අරන් ඇවිත් මේසෙන් තියන් වාඩි වුනා.එයා ඉන්න තැනට එයාට සජිනිව කෙලින්ම පේනවා.

සජිනි සමහර වෙලාවට තනියෙන් හිනා වෙනවා.සමහර වෙලාවට ටීවී එක දිහාවටම එබිලා බලාගෙනම ඉන්නවා.සමහර වෙලාවට මූණ වහගෙන ඉන්නවා.එක සැරයක් සජිනි අඩ අඩ හිනා වෙන්නත් ගත්තා.එක  එක විකාර ගොඩයි.හරියට සජිනි ඒ ෆිල්ම් එකේ රගපානවා වගේ.

ටිකකින් සහන් ඉබේටම වගේ මේ සජිනි කරන ඒවා දිහා බලන් ඉන්න ගත්තා.ෆිල්ම් එක ඉවර වුනේ සජිනිවත් අඩවලා.මේ ඔක්කොම සහන් බලගෙන.

මේ ගෙදර හිටපු නිවාඩු දවස් දෙකේ සහන්ට තේරුනා සජිනි කියන්නේ එයා හිතුවට වඩා හරි වෙනස් කෙල්ලෙක් කියලා.ගෙදර හිටියා කියලා මහ ලොකු කතාවක් තිබ්බේ නෑ දෙන්නා අතරේ.ඒත් සහන් වෙනදා තරම්ම කාමරේ අස්සේ නොහිටපු එක සජිනිට ලොකුවට තේරුනා.

සදුදා උදේ සහන් වෙනදා වගේම ඔෆිස් ගියා.සජිනිත් උයලා ගේ අස් කරලා ටීවී එක දාගෙන ඉන්නකොට තමයි සහන් ගෙදර ආවේ.

සහන්ගේ මූණ දැක්ක ගමන් සජිනිට තේරුනා මොකක් හරි ප්‍රශ්නයක් කියලා.සහන් එහෙම්ම ගියේ කාමරේට.සජිනිත් ටීවී එක ඔෆ් කරලා කුස්සියට ගියේ සහන්ට එයා හදලා තියපු ෆලූඩා එක දෙන්න.සහන් රස්නෙ දවසට හවසට බොන්න කැමති මොනවා හරි සීතල දෙයක් කියලා මේ ටික දවසට සජිනිට තේරිලා තිබ්බා.

එයා ෆලූඩා එක අරගෙන යන්න හදනකොටම දැක්කේ කුස්සිය ලගට වෙලා එයා  දිහා ඔරවගෙන බලාගෙන ඉන්න සහන්ව.

"තමුසේ හිතන්නේ මේවා කරාම මං කැමති වෙයි කියලද? " සහන්ගේ කෑගැහිල්ලට සජිනි ගැස්සිලා ගියා.

"හිතන්න එපා අපේ අම්මා අල්ල ගත්තා කියලා මාව ඒ වගේ රවට්ටගන්න පුලුවන් වෙයි කියලා" සහන්ගේ මුණ රතු වෙලා

"මොකක්ද මේ ඔයා කියන්නේ?" සජිනිට මේ මුකුත් හිතාගන්න බෑ.

"හා දැන් තමුසේ කියන්නේ මේ මුකුත් දන්නෙ නෑ කියලද?.නිකන් බබා වෙන්න එපා ඕයි" සහන් කෑගහන්කොට සජිනිටත් කේන්ති ගියා.

"මේ සහන් කරුණාකරලා කියනවද මොකක්ද වෙලා තියෙන්නේ කියලා"

"වෙලා තියෙන්නෙද? වෙලා තියෙන්නෙ තමුසේ අපෙ අම්මා එක්ක එකතු වෙලා මෙතන මාත් එක්ක හනිමුන් යන්න ප්ලෑන් කරපු එක"

To be continued.....



2 comments:

ආදරණීය නපුරා - දොළොස්වන කොටස

සහන් දොර අරින්න ගියේ මේ නිවාඩු දවසේ කවුද ආවේ කියලා හිත හිත.දොර ඇරියම දොරෙන් එලියේ හිටියේ සජිනිගේ අම්මයි තාත්තයි. "අහ් පුතා&quo...